Post by Laoupdate on Feb 22, 2005 7:34:53 GMT -5
ແຂວງໄຊຍະບູລີກຳລັງບູມ
ນັກທ່ອງທ່ຽວກຳລັງແຫ່ແຫນກັນໄປທ່ຽວແຂວງໄຊຍະບູລີ ຊຶ່ງເປັນແຂວງທີ່
ມີ ບ່ອນທ່ອງທ່ຽວທີ່ສຳຄັນເຖິງ127 ແຫ່ງ ໂດຍກ່ວາເອົາແຫຼ່ງທ່ອງທ່ຽວທາງ
ວັດທະນາທຳ ແລະສະຖານທີ່ປະຫວັດສາດທີ່ສຳຄັນ
ເມື່ອປີຜ່ານມາ ມີນັກທ່ອງທ່ຽວທັງໃນແລະຕ່າງປະເທດມາທ່ຽວແຂວງນີ້ປະມານ
62,512 ຄົນ ເພິ່ມຂຶ້ນ 6,689 ຄົນເມື່ອທຽບກັບປີກ່ອນ ສ້າງລາຍໄດ້ໃຫ້ຈາກ
ການທ່ອງທ່ຽວນັບກ່ວາ 85 ລ້ານກີບໃຫ້ແກ່ງົບປະມານລັດ
ປະຈຸບັນ ແຂວງນີ້ມີໂຮງແຮມຂະຫນາດໃຫຍ່ຈຳນວນ 3 ແຫ່ງ ບ້ານພັກ 40 ຫລັງ ລີ່ສອດ1ແຫ່ງ ແລະອີກຫຼາກຫຼາຍບໍລິສັດທີ່ຢັ່ງຢາຍໃຫ້ບໍລິການທ່ອງທ່ຽວ
ທົ່ວແຂວງ
ດ້ານສັກກະຍາພາບແຫ່ງການພັດທະນາຂອງແຂວງນີ້ ບໍລິສັດທ່ອງທ່ຽວຂອງ
ແຂວງໄດ້ອອກແຜນພັດທະນາການທ່ອງທ່ຽວໃຫ້ກາຍເປັນເສັ້ນທາງການທ່ອງ
ທ່ຽວທີ່ສຳຄັນ ໂດຍຈະມີການປັບປຸ່ງລະບົບຄົມມະນາຄົມ ສົ່ງເສີມການຜະລິດ
ສິນຄ້າຫັດຖະກຳ ແລະ ປົກປັກຮັກສາສະພາບແວດລ້ອມ
ແຂວງໄຊຍະເປັນແຂວງທີ່ຕັ້ງຢູ່ທາງກ້ຳຂວາຂອງແມ່ນ້ຳຂອງ ມີເນື້ອທີ່ທັງຫມົດ
16,389sq m ໂດຍທີ່ 70 ຂອງແຂວງແມ່ນເຂດພູຜາ. ແຂວງນີ້ມີປະຊາ
ກອນ 327,232 ຄົນ ເປັນຍິງ 162,826 ຄົນ ແລະເປັນແຂວງທີ່ມີຄວາມ
ຫຼາກຫຼາຍຂອງຊົນເຜົ່າ. ບຸນປະເພນີທີ່ສຳຄັນໄດ້ແກ່ ບຸນບັ້ນໄຟ ບຸນເຂົ້າພັນສາ
ບຸນປະເພນີດອກຝ້າຍ ແລະອີກຫຼາກຫຼາຍ.
ໄຊຍະບູລີຍັງເປັນແຂວງທີ່ທຳມະຊາດບໍ່ຖຶກທຳລາຍ ມີແມ່ນໍ້າກັນຫຼວງ ກັນຈອກໄຫຼຜ່ານ ແລະເປັນແຂວງທີ່ມີຜາຫີນ ແລະນ້ຳຕົກຕາດທີ່ສວຍງາມ.
ຖ້າທ່ານມີເວລາຢ່າລືມມາຢ້ຽມມາຢາມແຂວງນີ້ແດ່ເດີ
source: kplnet.net
photo: www.cc.u-ryukyu.ac.jp/~higabac/HP-file/Vietnam.htm
laoupdate.com ;D