Post by WebmasterH on Mar 10, 2005 7:09:44 GMT -5
ບໍລິຄຳໄຊສ້າງຂະບວນການເເຂ່ງຂັນກັນຜະລິດກຸ່ມບ້ານຫຼາຍຜະລິດຕະພັນ
ໃນສົກປີ 2004-2005 ແຂວງບໍລິຄຳໄຊໄດ້ສຸມໃສ່ເສດຖະກິດເປັນເຈົ້າ, ໂດຍຫັນປ່ຽນ ຈາກການຜະລິດແບບທຳມະຊາດໄປສູ່ການຜະລິດເປັນສິນຄ້າ ແລະ ປະຕິບັດຕາມແຂວງວາງ ອອກຄື: ໜຶ່ງກຸ່ມບ້ານມີຫຼາຍຜະລິດຕະພັນໂດຍອິງຕາມເງື່ອນໄຂທ່າແຮງ ແລະ ມູນເຊື້ອຂອງ ແຕ່ລະທ້ອງຖິ່ນ ມາຮອດປະຈຸບັນມີຫຼາຍບ່ອນ, ຫຼາຍບ້ານ. ໄດ້ມີການຜະລິດເປັນສິນຄ້າຫຼາຍ ຂຶ້ນມີການກຳນົດບູລິມະສິດ ເພື່ອເຂົ້າສູ່ການຜະລິດຢ່າງລະອຽດຕາມກຸ່ມພັດທະນາ ແລະ ຕາມ ເງື່ອນໄຂຂອງທ້ອງຖິ່ນຕົນ. ໂດຍປະຕິບັດໄດ້ຕາມ 5 ໂຄງການໃຫຍ່ຂອງແຂວງເຊັ່ນ: ໂຄງການ ປູກໄມ້ເກດສະໜາ ໄດ້ສ້າງສວນທົດລອງຕົວແບບຂະບວນການປູກຂອງປະຊາຊົນຫຼາຍຂື້ນ, ປະຈຸ ບັນມີທັງໝົດ 300ເຮັກຕາ, ມີ 2,235,200ເບ້ຍ, ປູກຢາສູບມີວິຊາການໃກ້ຊິດຕິດຕາມຢ່າງຄັກແນ່ ຊຶ່ງມີການຜູກພັນສັນຍາກັບໂຄງການຢາສູບລາວໃນເນື້ອທີ່ປູກແຕ່ລະປີປະມານ 80,744 ເຮັກຕາ, ເຮັດໃຫ້ບາງຄອບຄົວມີລາຍຮັບເຖິງ 200,000ກີບ/ມື, ການປູກເຂົ້າ ແມ່ນມີມູນເຊື້ອມາແຕ່ດົນນານ ຂອງປະຊາຊົນ. ການລ້ຽງສັດແມ່ນຫັນການລ້ຽງເປັນກຸ່ມ ແລະ ລ້ຽງ ແບບໂຄງການຫຼາຍຂື້ນເຊັ່ນ: ເມືອງວຽງທອງ, ເມືອງຄຳເກີດມີລວມ 25ແຫ່ງ, ການລ້ຽງສັດນ້ອຍກໍ່ເປັນຮູບຮ່າງຫຼາຍຂຶ້ນເຊັ່ນ: ຟາມໝູມີ 14ແຫ່ງ, ພໍ່ພັນ 300ໂຕ, ຟາມໄກ່ 3ແຫ່ງມີ 18,200ໂຕ, ປາກະຊັງມີ 103ກະຊັງ.
ນອກນັ້ນ, ຍົງຂົນຂວາຍດຶງດູດການລົງທຶນຂອງເອກະຊົນທັງພາຍໃນ ແລະ ຕ່າງປະເທດ ເຂົ້າໃນການຜະລິດສິນຄ້າເຊັ່ນ: ໂຄງການລ້ຽງງົວ, ໂຄງການປູກໄທ້ເກດສະໜາ, ໂຄງການປູກ ໝາກພ້າວ ແລະ ອື່ນໆ.
Source: Pathetlao newspaper
Photo: www.lao.ch/lao-ch/work/about-laos-logo/provinces/borlikhamsay/logo.jpg