Post by WebmasterH on Mar 10, 2005 7:13:49 GMT -5
ການພົບປະປຶກສາຫາລືການຂົນສົ່ງທາງບົກລະຫວ່າງລາວ-ໄທ
ຄະນະວິຊາການ ກະຊວງຄົມມະນາຄົມຂົນສົ່ງໄປສະນີ ແລະ ກໍ່ສ້າງແຫ່ງ ສປປ ລາວ ໄດ້ພົບປະທັງສອງຝ່າຍ ກັບຄະນະວິຊາການ ກະຊວງຄົມມະນາຄົມຂົນສົ່ງແຫ່ງລາຊະອານາຈັກ ໄທ, ໃນວັນທີ 2-3 ມີນາ ຜ່ານມາທີ່ຈັງຫວັດຊຽງໃໝ່ ລາຊະອານາຈັກໄທ, ໄດ້ປຶກສາຫາລື, ແລກປ່ຽນຄວາມຄິດຄວາມເຫັນ ທົບທວນຄືນການຈັດຕັ້ງປະຕິບັດເນື້ອໃນບົດບັນທຶກກອງປະຊຸມ ການຂົນສົ່ງທາງບົກລະຫວ່າງສອງປະເທດ ທີ່ໄດ້ຈັດຂຶ້ນໃນວັນທີ 3-4 ກຸມພາ 2004 ທີ່ຜ່ານມາ. ກອງປະຊຸມຄັ້ງນີ້ທັງສອງຝ່າຍໄດ້ ສະແດງຄວາມເພິ່ງພໍໃຈທີ່ເຫັນວ່າການຈັດຕັ້ງປະຕິບັດຜ່ານມາ ເປັນຮູບປະທຳຫຼາຍຂຶ້ນເຮັດໃຫ້່ການຂົນສົ່ງສິນຄ້າ ແລະ ການໂດຍສານໄປມາຫາສູ່ຊຶ່ງກັນ ແລະ ກັນ ລະຫວ່າງປະຊາຊົນສອງຊາດ ໄດ້ມີຄວາມສະດວກຫຼາຍຂຶ້ນ.
ໃນກອງປະຊຸມຄັ້ງນີ້ທັງສອງຝ່າຍໄດ້ເປັນເອກະພາບກັນວ່າ: ພາຍຫຼັງເປີດເສລີຈຳນວນຜູ້ ຂົນສົ່ງສິນຄ້າທາງບົກລະຫວ່າງສອງປະເທດນັບຕັ້ງແຕ່ວັນທີ 1 ມີນາ 2004 ຜ່ານມາ, ອັດຕາ ສ່ວນຜູ້ປະກອບການໄດ້ເພີ່ມຂຶ້ນເຖິງ 172 ບໍລິສັດ, ມີພາຫະນະຂົນສົ່ງເຖິງ 5.139 ຄັນ ແລະ ມີຜູ້ໃຊ້ບໍລິການຫຼາຍຂຶ້ນໄດ້ຊ່ວຍໃຫ້ລາຄາຂົນສົ່ງຫຼຸດລົງແຕ່ 20-30%; ຈຳນວນລົດທີ່ໃຊ້ປຶ້້ມ ແລະ ກາໝາຍການຂົນສົ່ງແລ້ວກວມ 96%; ເປັນການຫຼຸດຜ່ອນຂັ້ນຕົ້ນ ໃນການຂໍອານຸຍາດເຂົ້າປະເທດ ຊຶ່ງກັນ ແລະ ກັນ. ເຮັດໃຫ້ການກວດກາຂອງເຈົ້າໜ້າທີ ມີຄວາມສະດວກຂຶ້ນ. ກ່ຽວກັບບັນຫາ ການຂົນສິນຄ້າທັງສອງຝ່າຍຈະໄດ້ຮ່ວມກັນ ປັບປຸງແກ້ໄຂໃຫ້ດີຂຶ້ນເຊັ່ນ: ຂັ້ນຕອນໃນການ ປະກອບເອກະສານ, ການໃຊ້ຈ່າຍຄ່າບໍລິການຕ່າງໆໂດຍຈະຕ້ອງຍົກເລິກຄ່າທຳນຽມ ແລະ ຄ່າລວງເວລາ; ຈະບ່ໍໃຫ້ມີການເປີດຕູ້ຄອນເທັນເນີສິນຄ້າຜ່ານແດນເພື່ອກວດກາ, ຍົກເວັ້ນ ກໍລະນີທີ່ມີການສົງໃສໂດຍຕ້ອງໄດ້ຮັບການເຫັນດີຈາກກົມພາສີ ແລະ ບັນຫາອື່ນໆອີກ.
ແຫຼ່ງຂ່າວ: ນສພ ປະເທດລາວ
Laoupdate.com ;D