|
|
Post by Laoupdate on May 18, 2005 4:47:37 GMT -5
ພິທີມອບຮັບ ຕູ້ເອທີເອັມ (ATM) ຈາກທະນາຄານການຄ້າຕ່າງປະເທດແຫ່ງ ສສ ຫວຽດນາມ ໃຫ້ແກ່ທະນາ ຄານການຄ້າຕ່າງປະເທດແຫ່ງສປປລາວ ໄດ້ຈັດຂຶ້ນໃນວັນທີ 16 ພຶດສະພາ 2005 ທີ່ນະຄອນຫລວງວຽງຈັນ, ເຂົ້າ ຮ່ວມໃນພິທີດັ່ງກ່າວ ມີ ທ່ານ ອໍ້ ວິລະພັນ ຫົວຫນ້າຫ້ອງການ ທະນາຄານ ແຫ່ງ ສປປລາວ, ທ່ານ ດຣ. ອັກສອນ ບຸພະກອນຄຳ ປະທານສະພາບໍລິຫານ ທະນາຄານການຄ້າຕ່າງປະເທດລາວ, ທ່ານ Nguyen Hao Bin ປະທານ ສະພາບໍລິຫານທະນາຄານການຄ້າຕ່າງປະເທດ ຫວຽດນາມ ແລະ ມີພະນັກງານພາຍໃນທະນາຄານ ການຄ້າຕ່າງປະ ເທດລາວ ແລະ ແຂກຖືກເຊີນເຂົ້າຮ່ວມ.ຕູ້ ATM ແມ່ນຕູ້ບໍລິການຖອນເງິນແບບອັດຕະໂນມັດ ຊຶ່ງເປັນ ການຊ່ວຍ ເຫລືອລ້າຈາກທະນາຄານການຄ້າຕ່າງປະເທດຫວຽດນາມ ໃຫ້ແກ່ທະນາຄານການຄ້າຕ່າງປະເທດລາວ ໃນມູນຄ່າ 25 ພັນໂດລາສະຫະລັດ, ຕູ້ ATM ດັ່ງກ່າວ ທະນາຄານການຄ້າຕ່າງປະເທດລາວໄດ້ເລີ່ມທົດລອງນຳໃຊ້ບໍລິການມາແຕ່ ທ້າຍປີ 2003 ເຊິ່ງເຫັນວ່າ ລູກຄ້າໄດ້ໃຫ້ຄວາມສົນໃຈ ແລະ ມານຳໃຊ້ບໍລິການຖອນເງິນຜ່ານຕູ້ ATM ເປັນຈຳນວນ ຫລາຍ, ທະນາຄານການຄ້າແຫ່ງປະເທດລາວ ແລະທະນາຄານການຄ້າຕ່າງປະເທດຫວຽດນາມ ໄດ້ມີການພົວພັນຮ່ວມ ມືຊ່ວຍເຫລືອຊຶ່ງກັນແລະກັນມາແຕ່ປີ 1889 ໂດຍການເປັນທະນາຄານຕົວແທນດຳເນີນທຸລະກິດຮ່ວມກັນ. |
|
|
|
Post by Laoupdate on May 18, 2005 4:49:04 GMT -5
ການພົວ ພັນຮ່ວມມືດັ່ງກ່າວໄດ້ເຕີບໃຫຍ່ຂະຫຍາຍຕົວເປັນລຳດັບ ແລະ ນັບມື້ນັບສະຫນິດແຫນ້ນຂຶ້ນເລື້ອຍໆ. ນັບແຕ່ປີ 1999 ເປັນ ຕົ້ນມາທະນາຄານການຄ້າຕ່າງປະເທດລາວກັບ ທະນາຄານການຄ້າຕ່າງປະເທດຫວຽດນາມ ໄດ້ເຊັນບົດບັນທຶກ ການພົວພັນຮ່ວມມືຊ່ວຍເຫລືອຊຶ່ງກັນແລະກັນເປັນແຕ່ລະປີ ແລະ ກໍ່ໄດ້ປະຕິບັດບົດບັນທຶກດັ່ງກ່າວສຳເລັດຢ່າງໄດ້ຮັບ ຜົນດີ ໂດຍສະເພາະແມ່ນການແລກປ່ຽນບົດຮຽນຂອງຜູ້ບໍລິຫານລະດັບສູງ, ການຝຶກອົບຮົມບຳລຸງສ້າງພະນັກງານວິ ຊາການຂອງ ທະນາຄານການຄ້າຕ່າງປະເທດລາວ. ການດຳເນີນທຸລະກິດຮ່ວມກັນແລະ ອື່ນໆ.ນັບແຕ່ທ້າຍປີ 2002 ເປັນຕົ້ນມາທະນາຄານການຄ້າຕ່າງປະເທດລາວ ກັບທະນາຄານການຄ້າຕ່າງປະເທດຫວຽດນາມ ໄດ້ເຊື່ອມໂຍງເຄືອ ຂ່າຍນຳກັນ ເພື່ອບໍລິການບັດເອເລັກໂຕຼນິກສາກົນ ຊຶ່ງໃນນີ້ປະກອບມີບັດ VISA, Master Card. JCB. Diners Club, American Express ຜ່ານເຄື່ອງຮູດບັດ ແລະ ຜ່ານຕູ້ ATM , ຊຶ່ງການບໍລິການບັດສາກົນດັ່ງກ່າວ ໄດ້ສ້າງຄວາມສະດວກສະບາຍແກ່ນັກທຸລະກິດ ແລະ ນັກທ່ອງທ່ຽວຕ່າງປະເທດ, ບໍລິມາດການບໍລິການນັບມື້ນັບເພີ່ມ ຂຶ້ນຄື ໃນປີ 2004 ມີເຖິງ 5,6 ລ້ານໂດລາ ແລະ ໃນໄຕມາດທີ 1/2005 ມີ 3,4 ລ້ານໂດລາSource: Pasazon Photo: www.bcellaos.com/Laoupdate.com 
|
|
