Post by Laoupdate on Feb 24, 2005 2:12:18 GMT -5
Tham Kong Lo Circuit Cycling Tour, Khammouan
ເປີດແຫຼ່ງທ່ອງທ່ຽວຖໍ້າຜາຕາວ ບ້ານນາໂຊກ ຫຍິ່ງໃຫຍ່ ອະລັງການ
ແຫຼ່ງທ່ອງທ່ຽວບ້ານຜາຕາວ ບ້ານນາໂຊກ (ທ່າພະ ) ເມືອງຍົມມະລາດ ແຂວງຄຳມ່ວນ
ແມ່ນແຫຼ່ງທ່ອງທ່ຽວທີ່ສຳຄັນແຫ່ງຫນຶ່ງ ຂອງເມືອງຍົມມະລາດ ໂດຍສະເພາະແມ່ນ
ທິວທັດທຳມະຊາດ ປະຫວັດສາດ ແລະ ວັດທະນາທຳ ທີ່ເຄີຍມີປະຫວັດສືບທອດກັນ
ມາ ແຕ່ດົນນານ ຊຶ່ງທາງແຂວງ ໄດ້ອະນຸຍາດ ໃຫ້ເປີດເປັນແຫຼ່ງທ່ອງທ່ຽວຢ່າງເປັນ
ທາງການໃນວັນທີ 17 ກຸມພາ 2005 ຊຶ່ງເປັນແຫຼ່ງທີ່ 2 ຖັດຈາກແຫຼ່ງທ່ອງທ່ຽວ
ທ່າໂທດ
ໃນພິທີ ແມ່ນໄດ້ຮັບຟັງ ການລາຍງານກ່ຽວກັບສະພາບ ຄວາມເປັນມາຂອງແຫຼ່ງ
ທ່ອງທ່ຽວ ຂອງບ້ານດັ່ງກ່າວ ຊຶ່ງສິ່ງດຶງດູດໃຈ ໃນການທ່ອງທ່ຽວທຳມະຊາດກໍ່ຄື ປ່າ
ຕົ້ນຕານ ທີ່ມີິຄວາມຕຶບຫນາ ໃນທົ່ວບໍລິເວນຖໍ້າດັ່ງກ່າວ. ຄຽງຄູ່ກັນນັ້ນກໍ່ຍັງມີ ແຫຼ່ງ
ທ່ອງທ່ຽວທາງດ້ານວັດທະນາທຳ ນັ້ນກໍ່ຄື ພະພຸດທະຮູບໃຫຍ່ ອົງຕື້ ຊຶ່ງໄດ້ປະດິດ
ສະຖານ ຢູ່ທີ່ແຄມຝັ່ງສາຍນ້ໍາຍົມມາໄດ້ຫຼາຍສັດຕະວັດ ອັນເປັນມິ່ງຂັວນ ຄູ່ບ້ານຄູ່
ເມືອງຂອງປະຊາຊົນຊາວເມືອງຍົມມະລາດ ໂດຍສະເພາະກໍ່ຄືຊາວບ້ານນາໂຊກ ຊຶ່ງ
ມີ 133 ຫລັງຄາເຮືອນ 144 ຄອບຄົວ ພົນລະເມືອງ 713 ຄົນ ຍິງ 187 ຄົນ ຊຶ່ງ
ຢຶດຖືການເຮັດນາເປັນຕົ້ນຕໍ. ຈຸດປະສົງການເປີດແຫຼ່ງທ່ອງທ່ຽວ
ທັງພາຍໃນ ແລະຕ່າງປະເທດ ໄດ້ມາທ່ຽວຊົມ ແລະເປັນການອະນຸລັກສົ່ງເສີມ ຟື້ນຟູຮີດຄອງປະເພນີ ຂະນົບທຳນຽມ ທີ່ເປັນເອກະລັກຂອງຊາດ ແລະ ຂອງທ້ອງຖິ່ນ ໄວ້ຄົງຄູ່ກັບ
ຄົນລາວຕະຫຼອດໄປ.
Source: Pasaxon newspaper
photo: www.greendiscoverylaos.com
laoupdate.com ;D