Post by Laoupdate on Apr 11, 2005 23:28:51 GMT -5
ຈັດງານເທດສະການໄຫມມ້ອນທີ່ແຂວງຊຽງຂວາງ
* ຫວ່າງວັນທີ 8-10 ເມສາ 2005 ນີ້, ບໍລິສັດປູກມອນລ້ຽງມ້ອນ ສາວໄຫມລາວ ຈຳກັດ ໄດ້ຈັດ ງານເທດສະການໄຫມມ້ອນຂຶ້ນທີ່ສວນມອນຂອງບໍລິສັດ ໂພນສະຫວັນຊຽງຂວາງ ຊຶ່ງມີແຂວງຊຽງຂວາງ, ຫົວພັນ ແລະ ເມືອງຄຳເກີດ ແຂວງບໍລິຄຳໄຊ, ແຂວງຫລວງພະບາງ, ແຂວງຫລວງນ້ໍາທາ, ນະຄອນຫລວງ ວຽງຈັນ ຕະຫລອດພາກສ່ວນເອກະຊົນໄດ້ນຳເອົາຜະລິດຕະພັນຂອງຕົນ ມາວາງສະແດງ 20 ຮ້ານ. ໄລຍະ 10 ປີ ຜ່ານມາໂຄງການນີ້ໄດ້ປະຕິບັດມາ ໂດຍສາມາດສ້າງວຽກເຮັດງານທຳ ໃຫ້ແກ່ປະຊາຊົນຊື່ງໄດ້ດຳ ເນີນສົ່ງເສີມຢູ່ຊຽງຂວາງໃນ 6 ເມືອງ 16 ບ້ານ 68 ຄອບຄົວ, ແຂວງຫົວພັນມີ 4 ເມືອງ 21 ບ້ານ, 111 ຄອບຄົວບໍລິຄຳໄຊມີ 1 ເມືອງ, 2 ບ້ານ 3 ຄອບຄົວ, ໄດ້ຝຶກອົບຮົມໃຫ້ແກ່ຊາວບ້ານ 10 ຄັ້ງ 120 ຄົນ, ໄດ້ຝຶກອົບຮົມຢູ່ຟາມ ໂພນສະຫວັນ ແຂວງຊຽງຂວາງ 42 ຊຸດ ມີ 731 ຄົນ, ໄປຖອດຖອນບົດຮຽນທັງ ພາຍໃນ ແລະ ຕ່າງປະເທດ 18 ຄັ້ງມີ 69 ຄົນ. ໃຫ້ທຶນກູ້ຢືມສ້າງເຮືອນລ້ຽງມ້ອນ 106 ຫລັງ, ທຶນສ້າງສວນມອນ 171 ຄອບຄົວ, ທຶນຊ່ວຍອຸປະກອນຜະລິດໄຫມ, ທຶນຫມູນວຽນເກັບຊື້ຜົນຜະລິດ 200 ກວ່າລ້ານ ກີບ, ສົ່ງໄຂ່ມ້ອນໄປໃຫ້ລ້ຽງໂດຍບໍ່ຄິດຄ່າ ເປັນເງິນ 22 ລ້ານກວ່າກີບ, ຜູ້ອອກແຮງງານມີລາຍໄດ້ໃນປີ 2004 ເປັນເງິນ 580 ລ້ານກວ່າກີບ.
ໃນແຜນການປີ 2006 - 2010 ໂຄງການນີ້ຈະຂະຫຍາຍສະມາຊິກໃຫ້ໄດ້ 20%, ຊຸກຍູ້ປະຊາຊົນ ຫັນມາເຮັດອາຊີບຄົງທີ່ ຄືການປັບປຸງດິນ, ການເຮັດໄຮ່ຄົງທີ່, ປູກພືດປອດສານເຄມີ ດ້ວຍການສະຫນອງ ວິຊາການ, ທຶນກູ້ຢືມອື່ນໆໃຫ້ເຂົາເຈົ້າ.
Source: pasaxon
photo: www.keijser.worldtravelogue.com/laos/pics7/30.jpg
Laoupdate.com